Minilager, Rückblick

Ein musikalischer Rückblick zum Ministrantenlager 2011, von Cornelia Kühne und Co.

Lagerrückblick / Lagerlied

Refrain (nach der Melodie von "die Affen rasen durch den Wald):
I: Wer hät de Sunneschii, wer hät de Sunneschii, wer hät de Sunneschii ächt klaut? :I

Am zwölfi nach de Chile
isch zum Belade gross de Wille.
D’Müetere kömpfed mit de Träne
und es regnet us allne Häne

Us luter Euphorie übers Huus
zieht scho glii di ersti Fänsterschibe us.
Üsi Diana, immer parat
hät au bi däm Problem en guete Rat

Vor de zwei Chaote Patrick und Raphi wärdemer nöd verschont,
aber es hät sich jedi Minute mitene glohnt.
Di arme Dorfbewohner händ nöd gwüsst wis ihne gscheht
wänn da en neue Miniwind vo Wetzike weht.

D’Diana, de Hansdampf i allne Gasse
laht eus bim Laurentia die Kondition verblasse.
Me Marko hät sini Bingocharte scho verisse,
wänns umd‘ Chappe gaht, fühlt er sich b(e)schisse.

Bim Bastle mit Steinli, Liim und Glitzer
simmer worde zu stolze Gebotstaflebsitzer.
Nachem Blick uf de Bode in Wiehnachtsstimmig
betrachtets au de Andreas ganz innig.

Nachdem de Tom vode Zimmerordnig nödso hät gschwärmt,
hämmer bide Miniprobe doch so einiges glärnt.
De Simon hät bide Filmwahl nöd dänkt adi Grosse,
so hemmer dän halt en Murmeli-Film gnosse.

Die Chäsi hätde Rauch idä Auge bisse
und s’Wätter isch halt leider immerno ver…
d’Chäseri isch mitem Chässchnide nümme nacho,
will jede mindestens drü Stückli hät gno.

Dä Lärm de ganz Tag chönne z’vergässe
isch nur möglich xi i Pfarrer Fuchses Mässe.
Nachde Gruppe vom Zopfviechli bache
hät d’Putzgruppe nüt me z’lache

Eusi grosse und starke Kämpfer
händ bi ihrem Filmabig erläbt en müede Dämpfer.
Bim Zmorgeässe ojeh, oh Grus
hät de Tom verzellt das mir gönd usem Hus

D’Wanderig wird dänn churz und nass,
äs rägnet drum immer no ganz krass.
De Hund bim Abmarsch hät sicherlich dänkt
s’Programm vo dene Minis wötti au nöd gschänkt.

Bim Bichte hämmer chöne eusi Sünde bekänne
womer nachher im Lagerfüür händ chönne verbränne.
D’Diana und de Tom mit ihrem Getute
schicked di arme Cihind uf di nächtlichi Route.

Nachere churze Nacht hönd die Tüteli scho wider drähnet
und di müede Chind im Chor gstöhnet.
will dä Impuls so schwirig isch xi
hämmer müesse unterscheide zwüschet gross und chli.

De Zauberkünst am Füür vode Diana isches z’verdanke
dass mir bi Brot und Wurst händ chöne Chraft tanke
die isch fürd Leiter au nötig xi bide Poste,
will d’Chinde extrem vill Nerve chönd choste.

Dä Vermieter wird sich wuchelang froie
dass mir so guet chönd Schärbe stroie.
Mitde Suberkeit im Huus isch nöd z’scherze,
vom putze hämmer jetzt no alli Schmärze

Dä Abschlussabi gisch en Hit
vor allem, wänns jetzt no di letschte Murmle git.
Au di gäli Murmle wartet nüme geduldig
und ihres Versteck isch ois d Diana leider nüme schuldig.

Wänner dihei nöd wüssed was mache
gänd ufd Pfarreihomepage dänn chönder wider lache
so chömmer di lang Ziit mit schöne Erinnerige überbrücke
bis mer üs mitem nächste Lager chönd beglücke!